ප්‍රංශ විවෘත ටෙනිස් තරගාවලියේ නව රැජින ලෙස මිරා ඇන්ඩ්‍රීවා කිරුළු පළඳියි

2026 ප්‍රංශ විවෘත ටෙනිස් තරගාවලියේ කාන්තා ඒකල ශූරතාවය දිනා ගැනීමට රුසියාවේ යොවුන් සුපිරි ක්‍රීඩිකා මිරා ඇන්ඩ්‍රීවා (Mirra Andreeva) සමත් වී තිබෙනවා.

පැරිස් නුවරදී ඊයේ (06) පැවැති අතිශය උණුසුම් අවසන් මහා තරගයේදී පෝලන්තයේ මාජා ච්වාලින්ස්කා (Maja Chwalinska) වට 2-0ක් ලෙස සෘජු වටවලින් පරාජය කරමිනුයි 19 හැවිරිදි ඇන්ඩ්‍රීවා සිය ප්‍රථම ග්‍රෑන්ඩ් ස්ලෑම් (Grand Slam) ශූරතාවය මෙලෙස තමන් සතු කරගනු ලැබුවේ

තරගයේ ලකුණු තත්ත්වය ලෙස සටහන් වූයේ 6-4ක් සහ 6-2ක් වශයෙන්.

මෙම ජයග්‍රහණයත් සමඟ මිරා ඇන්ඩ්‍රීවා, 2004 වසරේදී මරියා ෂරපෝවා තැබූ වාර්තාවකට පසු ග්‍රෑන්ඩ් ස්ලෑම් ටෙනිස් ශූරතාවයක් දිනාගත් ලොව ලාබාලම ක්‍රීඩිකාවන් අතරට එක්වීමට ද සමත්ව තිබෙනවා.

මැටි පිච් (Clay court) මත තමන් සතු සුවිශේෂී දක්ෂතා නැවත වරක් ප්‍රදර්ශනය කළ ඇන්ඩ්‍රීවා, මෙම සමස්ත තරගාවලිය පුරාම කිසිදු වටයක් (Set) පරාජය නොවීම ද කැපී පෙනෙන ලක්ෂණයක්.

සිය ප්‍රථම ග්‍රෑන්ඩ් ස්ලෑම් අවසන් මහා තරගයට සුදුසුකම් ලැබූ පෝලන්තයේ ච්වාලින්ස්කා වෙතින් ද තරගයේ මුල් භාගයේදී ප්‍රබල අභියෝගයක් එල්ල වුවද, ඇන්ඩ්‍රීවාගේ දක්ෂ උපක්‍රම හමුවේ ඇයට අනුශූරතාවයෙන් සෑහීමකට පත්වීමට සිදු වුණා.