Hiru Relay Championship 2026 පාසල් සහය දිවීමේ තරගාවලියේ අවසන් දිනය අද

Hiru Relay Championship 2026 පාසල් සහය දිවීමේ තරගාවලියේ අවසන් දිනය අදට (03) යෙදී තිබෙනවා.

ඊයේ නව තරග වාර්තා කිහිපයක් බිහි වූ අතර, වයස අවුරුදු 14න් පහළ කාන්තා මිටර් සියය හතර මූලික තරගය ජය ගැනිමට කොළඹ කාන්තා විද්‍යාලයේ කණ්ඩායම සමත් වුණා.

එහි අවසන් තරගය අද පැවැත්වීමට නියමිතයි.

ඔවුන් එම වයස් කණ්ඩායේම මීටර් පනහ හතර ඉසව්ව නව තරග වාර්තාවක් සහිතව ජයග්‍රහණය කළා.

මීට අමතරව වයස අවුරුදු 12න් පහළ මීටර් පනහ හතර කාන්තා ඉසව්ව නව තරග වාර්තාවක් සහිතව ජයගත්තේ, කොළඹ මියුසියස් විද්‍යාලයයි.

එහි පිරිමි ඉසවිවේ ජය කොළඹ ඩි. එස්. සේනානායක විද්‍යාලයට හිමි වුණා.  

වයස අවුරුදු 18න් පහළ, 16න් පහළ පිරිමි සහ වයස අවුරුදු 16න් පහළ කාන්තා මීටර් 800 හතර ඉසව්වන්හී ජය හිමි වුණේ, වලල ඒ රත්නායක විද්‍යාලයටයි.

මීට අමතරව තවත් නව තරග වාර්තා කිහිපයක්ද ඊයේ දිනයේ බිහිවුණා.

හිරු මාධ්‍ය ජාලයේ සභාපති රේනෝ සිල්වා මහතාගේ මඟ පෙන්වීම යටතේ, හිරු මාධ්‍ය ජාලයේ පූර්ණ අනුග්‍රහය යටතේයි මෙම තරගාවලිය පැවැත්වෙන්නේ.