இங்கிலாந்துடனான பந்தயம் : நிபந்தனையை நிறைவேற்றிய நோர்வேஜியன் வானூர்தி நிறுவனம்!

%E0%AE%87%E0%AE%99%E0%AF%8D%E0%AE%95%E0%AE%BF%E0%AE%B2%E0%AE%BE%E0%AE%A8%E0%AF%8D%E0%AE%A4%E0%AF%81%E0%AE%9F%E0%AE%A9%E0%AE%BE%E0%AE%A9+%E0%AE%AA%E0%AE%A8%E0%AF%8D%E0%AE%A4%E0%AE%AF%E0%AE%AE%E0%AF%8D+%3A+%E0%AE%A8%E0%AE%BF%E0%AE%AA%E0%AE%A8%E0%AF%8D%E0%AE%A4%E0%AE%A9%E0%AF%88%E0%AE%AF%E0%AF%88+%E0%AE%A8%E0%AE%BF%E0%AE%B1%E0%AF%88%E0%AE%B5%E0%AF%87%E0%AE%B1%E0%AF%8D%E0%AE%B1%E0%AE%BF%E0%AE%AF+%E0%AE%A8%E0%AF%8B%E0%AE%B0%E0%AF%8D%E0%AE%B5%E0%AF%87%E0%AE%9C%E0%AE%BF%E0%AE%AF%E0%AE%A9%E0%AF%8D+%E0%AE%B5%E0%AE%BE%E0%AE%A9%E0%AF%82%E0%AE%B0%E0%AF%8D%E0%AE%A4%E0%AE%BF+%E0%AE%A8%E0%AE%BF%E0%AE%B1%E0%AF%81%E0%AE%B5%E0%AE%A9%E0%AE%AE%E0%AF%8D%21

2026 உலகக் கிண்ண காலிறுதிப் போட்டியில் இங்கிலாந்து அணி நோர்வேயை 2-1 என்ற கோல் கணக்கில் வீழ்த்தி வெற்றி பெற்றதைத் தொடர்ந்து, முன்னதாக பிரிட்டிஷ் ஏர்வேஸுடன் செய்திருந்த பந்தய வாக்குறுதியை நோர்வேஜியன் வானூர்தி நிறுவனம் நிறைவேற்றியுள்ளது.

அதன்படி, @FlyNorwegian தனது அதிகாரப்பூர்வ இன்ஸ்டாகிராம் கணக்கின் சுயவிவர (Profile) சின்னத்தை பிரிட்டிஷ் ஏயார்வேஸ் நிறுவனத்தின் இலட்சினையாக மாற்றியுள்ளது.

இந்த நடவடிக்கை, கடந்த சில நாட்களாக இணையவாசிகளையும், உலக வானூர்தி போக்குவரத்துத் துறையையும் ஈர்த்திருந்த இரு நிறுவனங்களுக்கிடையிலான நட்புறவான சமூக ஊடக உரையாடலுக்கு இனிமையான நிறைவாக அமைந்துள்ளதாக தெரிவிக்கப்படுகிறது.

இன்று (12.07.2026) வெளியிடப்பட்ட நோர்வேஜியன் நிறுவனத்தின் புதிய இன்ஸ்டாகிராம் பதிவு, அதன் பின்தொடர்பவர்களின் கவனத்தை வெகுவாக ஈர்த்தது.

சில நாட்களுக்கு முன்பு தாங்களே முன்வைத்திருந்த பந்தய நிபந்தனைக்கு இணங்க, @FlyNorwegian கணக்கின் சுயவிவரப் படம் பிரிட்டிஷ் ஏயார்வேஸ் நிறுவனத்தின் இலட்சினையாக மாற்றப்பட்டுள்ளமை குறிப்பிடத்தக்கது.