ශ්‍රී ලංකා කොදෙව් T20 තරගාවලියේදී කොදෙව්වන්ට තරගකාරී ජයක්

ශ්‍රී ලංකාව සහ බටහිර ඉන්දීය කොදෙව් කණ්ඩායම් අතර පළමු විස්සයි20 ක්‍රිකට් තරගයේ කඩුලු 7කින් ජය ලබා ගැනීමට බටහිර ඉන්දීය කොදෙව් කණ්ඩායම සමත් වුණා.

බටහිර ඉන්දීය කොදෙව් කණ්ඩායම පන්දුවාර 19.2කදී ජයග්‍රාහී ඉලක්කය පසුකර යාමට සමත් වුණා.

ඒ අනුව, විශිෂ්ට හයේ පහරක් සමගින් 149ක් ලබාගැනීමට කොදෙව්වන්ට හැකියාව ලැබුණා.

පළමුව පන්දුවට පහර දුන් ශ්‍රී ලංකා කණ්ඩායම කඩුලු 09ක් දැවී ලබා ගැනීමට හැකි වූයේ ලකුණු 147ක් පමණයි.

කාසියේ වාසිය දිනාගත් ශ්‍රී ලංකා කණ්ඩායම පළමුව පන්දුවට පහර දීමට තීරණය කළා.

ඒ අනුව පිටියට පිවිසි ශ්‍රී ලංකා කණ්ඩායමේ නායක කුසල් මෙන්ඩිස් ලකුණු 36ක්, කමිඳු මෙන්ඩිස් ලකුණු 51ක්, දසුන් ශානක 22ක් සහ පැතුම් නිස්සංක ලකුණු 18ක් ශ්‍රී ලංකාව වෙනුවෙන් රැස්කර ගැනීමට සමත් වුණා.

වනිඳු හසරංග කඩුලු 02ක් සහ එශාන් මාලිංග කඩුල්ලක් දවා ගත්තා.

එසේම බටහිර ඉන්දීය කොදෙව් කණ්ඩායමේ ශායි හෝප් පන්දුවාර 54කදී නොදැවී ලකුණු 65ක් ලබාගැනීමට සමත් වුණා.

බ්‍රැන්ඩන් කිං ලකුණු 37ක් ද, ෂිම්රොන් හෙට්මියර් ලකුණු 17ක් සහ රොස්ටන් චේස් ලකුණු 16ක් ලබා ගැනීමට සමත්ව තිබුණා.

පන්දු යැවීමේදී කොදෙව්වන් වෙනුවෙන් ජේසන් හෝල්ඩර් සහ ෂමාර් ජෝසප් කඩුලු 03 බැගින් දවා ගත්තා.