රුමේෂ් තරංගගෙන් ශ්‍රී ලංකාවට තවත් රන් පදක්කමක්

චෙක් ජනරජයේ පැවැත්වෙන ලෝක ප්‍රකට ඔස්ට්‍රාවා ගෝල්ඩන් ස්පයික් (Ostrava Golden Spike) මලල ක්‍රීඩා තරගාවලියේදී ශ්‍රී ලංකාවට තවත් ජයග්‍රහණයක් අත්කර දීමට ප්‍රමුඛ පෙළේ හෙල්ල විසිකිරීමේ ක්‍රීඩක රුමේෂ් තරංග සමත්ව තිබෙනවා.

ඒ එහිදී පැවැත්වුණු පිරිමි හෙල්ල විසිකිරීමේ ඉසව්වේ ප්‍රථම ස්ථානය (රන් පදක්කම) දිනා ගැනීමෙන්.

තරගාවලිය පුරා ඉහළ දක්ෂතා පෙන්නුම් කළ රුමේෂ්, මීටර 86.57ක සුවිශේෂී දුරක් හෙල්ල විසිකරමින් මෙම ජයග්‍රහණය තහවුරු කරගැනීමට සමත් වුණා.