தென்னாப்பிரிக்க மகளிர் அணியை வீழ்த்தி இங்கிலாந்து மகளிர் அணி அபார வெற்றி

குறித்த போட்டியில் நாணய சுழற்சியில் வெற்றிப் பெற்ற இங்கிலாந்து மகளிர் அணி, நிர்ணயிக்கப்பட்ட 20 ஓவர்களில் 5 விக்கெட்டுகளை இழந்து 169 ஓட்டங்களைப் பெற்றது.

இங்கிலாந்து அணி சார்பாக அதிகப்படியாக, ஆலிஸ் கேப்சி (Alice Capsey ) 47 பந்துகளுக்கு 75 ஓட்டங்களையும், ஹீதர் நைட் (Heather Knight ) 47 பந்துகளுக்கு 58 ஓட்டங்களையும் பெற்றுக்கொண்டனர்.

தொடர்ந்தும் 170 ஓட்டங்கள் என்ற வெற்றி இலக்கை நோக்கித் துடுப்பெடுத்தாடிய தென்னாப்பிரிக்க மகளிர் அணி, 20 ஓவர்கள் நிறைவில் 8 விக்கெட்டுகளை இழந்து 129 ஓட்டங்களை மாத்திரமே பெற்று போட்டியில் தோல்வியடைந்தது.

தென்னாப்பிரிக்க அணி சார்பில், டாஸ்மின் பிரிட்ஸ் (Tazmin Brits ) 45 பந்துகளுக்கு 51 ஓட்டங்களையும், அணித் தலைவர் லாரா வோல்வார்ட் (Laura Wolvaardt) 15 பந்துகளுக்கு 17 ஓட்டங்களையும் பெற்றுக் கொண்டனர்.

அதன்படி குறித்த போட்டியில், 40 ஓட்டங்கள் வித்தியாசத்தில் இங்கிலாந்து மகளிர் அணி தென்னாப்பிரிக்க மகளிர் அணியை வீழ்த்தி வெற்றிப் பெற்றது.