උතුරේ සහ දකුණේ මත්ද්‍රව්‍ය වැටලීම් වැඩි කරනවා - ඇමති ආනන්ද විජේපාල

උතුරේ මෙන්ම දකුණේ මත්ද්‍රව්‍ය වැටලීම් වැඩි කරන බව මහජන ආරක්ෂක අමාත්‍ය ආනන්ද විජේපාල පවසනවා.

කිලිනොච්චිය ප්‍රදේශයේ සිදුකළ සංචාරයකින් අනතුරුව මාධ්‍ය වෙත අදහස් දක්වමින් ඔහු මේ බව පැවසුවා.

මේ අතර මත්ද්‍රව්‍ය ජාවාරම්කරුවන්ගේ මධ්‍යස්ථානයක් බවට මෙරට පත්වී ඇද්දැයි සැකයක් පවතින බව රේගු මාධ්‍ය ප්‍රකාශක චන්දන පුංචිහේවා පවසනවා.

ඒ, ඊයේ පැවැති ප්‍රවෘත්ති සාකච්ඡාවකදීයි.

රේගු දෙපාර්තමේන්තුව සඳහා රජයෙන් ලබා දුන් ආදායම් ඉලක්කය තවත් සති තුනක් යාමට පෙර සපුරා ගැනීමට හැකිවන බවද ඔහු කියා සිටියා.