පාසල් රග්බි ලීග් ශූරතාව ත්‍රිත්ව විද්‍යාලයට

2026 පාසල් රග්බි ලීග් තරගාවලියේ කුසලාන අංශයේ ශූරතාව දිනා ගැනීමට මහනුවර ත්‍රිත්ව විද්‍යාලය සමත් වුණා.

ශාන්ත පීතර විද්‍යාලය සමග පැවති තීරණාත්මක තරගයේදී ලකුණු 20 - 07ක් ලෙස ජයග්‍රහණය වාර්තා කළ ත්‍රිත්ව විද්‍යාලය, අඛණ්ඩව සිය පාසල් රග්බි ලීග් ශූරතාව රැක ගැනීමට සමත් වුණා.

මෙය ත්‍රිත්ව විද්‍යාලය ඉතිහාසයේ දිනාගත් 7 වැනි පාසල් රග්බි ලීග් ශූරතාව ලෙස සටහන් වනවා.