අන්තර්ජාලය හරහා මුදල් වංචා කළ ගොවි කටයුතු පරීක්ෂණ හා පුහුණු කිරීමේ ආයතනයේ නිලධාරියෙකු අත්අඩංගුවට

අන්තර්ජාලය හරහා ව්‍යාපාරයක් මගින් මුදල් ඉපයීමට හැකි බව පවසා පුද්ගලයකුට ගිණුම් අංක කිහිපයක් ලබාදී රුපියල් 542,877 ක මුදලක් වංචා කිරීමේ සිද්ධියක් සම්බන්ධයෙන් කොබ්බෑකඩුව ගොවි කටයුතු පරීක්ෂණ හා පුහුණු කිරීමේ ආයතනයේ නිලධාරියෙකු අපරාධ පරීක්‍ෂණ දෙපාර්තමේන්තුවේ පරිගණක අපරාධ විමර්ශන අංශය විසින් අත්අඩංගුවට ගෙන තිබෙනවා.

අපරාධ පරීක්‍ෂණ දෙපාර්තමේන්තුවේ පරිගණක අපරාධ විමර්ශන අංශයේ වයඹ පළාත් උප ඒකකය විසින් අද (3) පස්වරුවේ සැකකරු අත්අඩංගුවට ගත් බවයි සඳහන් වන්නේ,

අම්පාර ලිපිනයේ පදිංචි හෙක්ටර් කොබ්බෑකඩුව ගොවි කටයුතු පරීක්ෂණව පුහුණු කිරීමේ ආයතනයේ සේවය කරන ලද අවුරුදු 27 ක් වයසැති නිලධාරියෙකු මෙලෙස අත්අඩංගුවට ගෙන තිබෙනවා.

සිද්ධිය සම්බන්ධයෙන් වැඩිදුරටත් කරුණු දැක්වූ විමර්ශන නිලධාරීන් සඳහන් කර සිටින්නේ අන්තර්ජාල ව්‍යාපාරයක් මගින් මුදා ලිපීමට හැකි බවට පවසා පුද්ගලයකුට ගිණුම් අංක කිහිපයක් ලබාදී ඒ මගින් මුදල් රුපියල් 542,877 ක් බැර කරවාගෙන ඉන් මුදල් රුපියල් 214,000/= ක් ලබාගෙන වංචා කළ බවය.