ශ්‍රී ලංකාවෙන් බංග්ලාදේශයට ලකුණු 203ක ඉලක්කයක්

2025 කාන්තා එක්දින ලෝක කුසලානයේ අද (20) පැවැත්වෙන බංග්ලාදේශ - ශ්‍රී ලංකා තරගයේ පළමුවෙන් පන්දුවට පහ‍රදුන් ශ්‍රී ලංකා කාන්තා පිළ ලකුණු 202ක් රැස් කිරීමට සමත් වුණා.

ඒ පන්දුවාර 48.4ක් අවසානයේ කඩුළු සියල්ල දැවී යාමෙන්.

කාසියේ වාසිය හිමිකරගත් ශ්‍රී ලංකා කණ්ඩායම පළමුවෙන් පන්දුවට පහරදීමට තීරණය කරනු ලැබුවා.

ඒ අනුව, නායිකා චමරි අතපත්තු ලකුණු 46ක්ද, හසිනි පෙරේරා ලකුණු 85ක්ද, නිලක්ෂිකා සිල්වා ලකුණු 37ක්ද ලෙසින් කණ්ඩායමේ ඉහළම ලකුණු ලාභීන් බවට පත් වීමට සමත්වූ අතර, අනෙකුත් කිසිඳු ක්‍රීඩිකාවකට ලකුණු 10 සීමාව හෝ ඉක්මවා යාමට හැකි වුණේ නැහැ.

එමෙන්ම මෙම තරගයේදී නායිකා චමරි පෙරේරා තම ක්‍රිකට් දිවියේ ලකුණු 4,000 සීමාවද පසු කිරීමට සමත් වුණා.

පන්දු යැවීමේදී බංග්ලාදේශය වෙනුවෙන් ෂෝර්නා අක්ටර් කඩුළු 03ක්ද, රබෙයා ඛාන් කඩුළු 02ක්ද, මරුෆා අක්ටර්, නිෂිතා අක්ටර් නිෂි සහ නහිඩා අක්ටර් එක් කඩුල්ල බැගින් දවාගත්තා.